不過今次我哋選擇去桃園機場嘅方式有啲唔同,既唔係巴士,亦都唔係機場捷運,而係台灣高鐵,而且我哋仲要選擇咗商務位。雖然只有短短二十分鐘嘅旅程,但係估唔到除咗飲品之外仲有提供小食,雖然差唔多要成四百台幣而且只係去到桃園高鐵站,仲要自己轉車返去桃園機場,但係如果下次有機會我都寧願搭高鐵進出台北,因為相比機場捷運真係舒服好多。正如我頭先咁講,去到桃園高鐵站之後仲要轉機場捷運返去桃園機場,不過好彩嘅係有高鐵桃園站行去機場捷運桃園站沿途都有升降機,真係好方便。
去到桃園機場之後,第一樣野我哋唔係去check-in,而係去第二航站手信街買手信。咁多日以來我哋都無諗過係出面買手信,因為一來除咗怕拎之外二來就係係機場買可以退稅,雖然唔係好多,不過有好過無,而且佢仲幫你入盒包好,方便寄倉。
![]() |
台北桃園機場環亞貴賓室第一航站C區 |
到飽晒,瞓多一陣,終於夠鐘上飛機。因為我哋預計因航只會提供著名嘅因航卷,所以我哋喺貴賓室已經食到飽晒,同埋因為我真係好憎食因航卷,所以我一早揀咗轉食猶太餐。因航猶太餐竟然都係提供完整一個餐,如果鍾意食炸魚其實應該會幾開心,因為主要係食炸魚同埋薯條,同埋仲有一塊朱古力同埋一個撻,相比起乏味嘅因航卷真係好好多。
隨着飛機逐漸同香港水平面拉成直線,我哋亦都知道今次嘅旅程亦都正式畫上句號,希望下一次有機會可以再去台灣環島,如果有機會我真係覺得大家應該花啲時間去台灣環島一次,因為中間有好多地方真係唔可以用言語形容嘅美麗。又係因航Www |
(本文同時載於Medium)